काठमाडौं । इंग्लिस प्रिमियर लिगमा आइतबार लिग लिडर लिभरपुलले टोटनहमविरुद्ध ६–३ को फराकिलो जित निकालेको छ । खेलमा कुल नौ गोल भयो ।

लिभरपुलका तर्फबाट लुइस डियाज र मोहमद सालाहले समान दुई गोल गरे । एलेक्सिस म्याक एलिसस्टर र डोमिनिक सोबोस्लाईले समान एक गोल गरे ।

घरेलु टिम टोटनहमका जेम्स म्याडिसन, डेयान कुलुसेभिस्की र डोमोनिक सोलान्केले गोल फर्काएका थिए ।

जितसँगै १६ खेलबाट ३९ अंकसहित लिभरपुल तालिकाको शीर्ष स्थानमा छ । समान खेलबाट २३ अंकको टोटनहम ११औँ स्थानमा छ । जारी सिजनमा टोटनहमको यो आठौँ हार हो ।