काठमाडौं । नेपाल प्रिमियर लिग (एनपीएल)मा लुम्बिनी लायन्सले विराटनगर किंग्सविरुद्ध पावरप्लेमा ५६ रन बनाएको छ ।

बुधबार कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिङमा आएको लुम्बिनीले ६ ओभरको खेल सकिँदा एक विकेट गुमाएर ५६ रन बनाएको हो ।

लुम्बिनीबाट हाल क्रिजमा रहेका कप्तान रोहितकुमार पौडेलले १२ र अर्जुन साउदले १२ रन बनाएका छन् ।

त्यसअघि लुम्बिनीले चौथो ओभरको पहिलो बलमा आशुतोष घिरैयालाई रनआउटको रूपमा गुमाएको हो । ननस्ट्राइकमा रहेका आशुतोष रन लिन अघि बढेको स्थितिको फाइदा उठाउँदै विराटनगरका निकोलस किर्टोनले उत्कृष्ट ‘थ्रो’ गर्दै रनआउट गरे ।