काठमाडौं । नेपालमा सिनेमाघरको संख्या १५८ छ । सात प्रदेशमा १५८ सिनेमा हल सञ्चालनमा छन् ।
चलचित्र विकास बोर्डले हाल नेपालमा सञ्चालित सिनेमा हलको संख्या सार्वजनिक गरेको छ । सबैभन्दा धेरै वाग्मती प्रदेशमा ६७ सिनेमा हल सञ्चालनमा छन् । सबैभन्दा कम सुदूरपश्चिम प्रदेशमा एउटा हल सञ्चालनमा छ ।
कोसी प्रदेशमा २६, मधेसमा २४, वाग्मतीमा ६७, गण्डकीमा १४, लुम्बिनी प्रदेशमा २४, कर्णालीमा दुई र सुदूरपश्चिममा एउटा हलमा सञ्चालनमा रहेका बोर्डले जनाएको छ ।
कोसीका २६ हलमा ६ हजार ४१८ सिट छन् । मधेसमा २४ हलमा नौ हजार १७८ र वाग्मतीमा ६७ सिनेमाघरमा १४ हजार ६५९ सिट छन् ।
गण्डकी प्रदेशमा १४ हलमा चार हजार ३२१, लुम्बिनीमा २४ सिनेमाघरमा पाँच हजार ९२२ सिट छन् । कर्णाली प्रदेशमा दुई हलमा ३३१ र सुदूरपश्चिममा एउटा सिनेमाघरमा ३९७ सिट छन् ।
हाल नेपालभरका १५८ सिनेमा हलमा ४१ हजार २८६ सिट छन् ।
यसबाहेक पनि केही सिनेमा हल सञ्चालनमा छन् । केही समयअगाडि सेभेन सिस सिनेमाले २० सिनेमा हलले आफ्नो चलचित्र ‘पूर्ण बहादुरको सारङ्गी’को फेक बक्सअफिस रिपोर्ट दिएको भन्दै नाम सार्वजसिनक गरेको थियो । त्यसको बचाउमा चलचित्र संघ उत्रिएपछि विकास बोर्डले उक्त २० हल नवीकरण नभई गैरकानुनी रूपमा चलिरहेको भन्दै कारबाहीको चेतावनी दिएको थियो ।
विकास बोर्डका अनुसार, २० सिनेमा हल नवीकरण नभई चलिरहेका हुन् । ती १५८ हलभन्दा बाहिरका हुन् ।
-1716278128.jpg)
-1734691541.jpg)
