कञ्चनपुर । पूर्वपश्चिम राजमार्गअन्तर्गत कञ्चनपुरको शुक्लाफाँटा नगरपालिका–११, कलुवापुरमा शनिबार यात्रुवाहक बस दुर्घटना हुँदा ३१ जना घाइते भएका छन् । धनगढीबाट महेन्द्रनगरतर्फ आउँदै गरेको ना४ख ७७५५ नम्बरको बस दुर्घटना हुँदा त्यसमा सवार ३१ जना घाइते भएका हुन् ।

घाइतेमध्ये दुईजनाको अवस्था गम्भीर रहेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक उमेश जोशीले जानकारी दिए ।

अत्तरिया र महेन्द्रनगरस्थित महाकाली अस्पतालमा घाइतेको उपचार भइरहेको छ । घटनाबारे अनुसन्धान भइरहेको उनले बताए । रासस