काठमाडौं । विश्वकै प्रमुख नयाँ उर्जा सवारीसाधन (एनईभी) र पावर ब्याट्री निर्माता बीवाईडीले आफ्नो ३०औँ वार्षिकोत्सव मनाएको छ । कम्पनीले ३०औँ वार्षिकोत्सव अवसरमा आफ्नो एक करोड ईभी सियाओमी उत्पादन केन्द्रको शेन्जेन–शानवेई विशेष क्षेत्रमा उत्पादन गरी ऐतिहासिक उपलब्धि हासिल गरेको बताएको छ ।

यो उपलब्धिले दिगो यातायातप्रति बीवाईडीको दृढ प्रतिबद्धता र अटोमोबाइल उद्योगमा विश्वव्यापी लिडरको रूपमा कम्पनीको स्थानलाई थप बलियो बनाएको कम्पनीको भनाइ छ ।

३०औँ वार्षिकोत्सव कार्यक्रममा बीबाईडीका सभापति एवम् अध्यक्ष वाङ चुआनफुले २० कर्मचारीसहित सानो स्टार्टअपबाट सुरू भएको कम्पनी आज विश्वभर लगभग दश लाख कर्मचारीसहित बहुराष्ट्रिय कम्पनीमा बनेको स्मरण गराए ।

वाङले प्राविधिक इनोभेसनप्रतिको प्रतिबद्धता र यातायातको भविष्यलाई रूपान्तरण गर्न बीवाईडीको महत्त्वपूर्ण भूमिका रहेको बताए ।

एक करोड ईभी उत्पादन गर्ने विश्वकै पहिलो अटोमोबाइल कम्पनी बनेको बीवाईडीले जनाएको छ ।

कम्पनीले पहिलो ५० लाख ईभी उत्पादन गर्न १५ वर्ष लगाएको तर, अर्को ५० लाख गाडी १५ महिनामै उत्पादन गरेको बताएको छ ।

एक करोडौँ गाडी डेन्जा जेठनाइन्, गेम साइन्सका संस्थापक एवम् सीईओ तथा चर्चित खेल ‘ब्ल्याक मिथः बुकोंग’का स्रष्टा फेङ जीलाई प्रदान गरिएको कम्पनीले जनाएको छ ।

बीवाईडीको संस्कृतिका बारेमा गहिरो जानकारी दिन प्रसिद्ध चिनियाँ वित्तीय पत्रकार तथा लेखक किन् सुओले १०० जना मध्यस्तर र उच्च स्तरका कार्यकारी एवं कर्मचारीसँग अन्तर्वार्ता गरेका छन् ।

उक्त जानकारीहरू ‘द सोल अफ इन्जिनियरस’ नामक पुस्तकमा संकलित गरिएको छ।

बीवाईडीले आफ्नो आगामी योजनामा अटोमोटिभ प्रणालीहरूलाई एकीकृत गर्ने बौद्धिक (एआई) प्रविधिमा एक खर्ब युआनको लगानी गर्ने लक्ष्य राखेको छ ।

यसले बीवाईडीको सम्पूर्ण सवारीसाधन श्रृंखलामा व्यापक सुधार ल्याउने कम्पनीको विश्वास छ ।

यो प्रतिबद्धताले बीवाईडीलाई प्राविधिक प्रगति र नवप्रवर्तनमा अग्रणी राख्न सुनिश्चित गर्ने र विश्व बजारमा प्रतिस्पर्धी स्थान कायम राख्ने कम्पनीको भनाइ छ ।

इन्जिनियरिङ मनोभाव र दिगो विकासप्रतिको प्रतिबद्धतामा बीवाईडी विश्वस्तरीय उच्च प्राविधिक कम्पनीको रूपमा आफ्नो स्थान सुदृढ गर्न तयार रहेको वाङले बताएका छन् ।