site stats
बाह्रखरी :: Baahrakhari
देश
Global Ime bankGlobal Ime bank
दुई महिनापछि स्वीकृत भयो स्वास्थ्य बिमा बोर्डका अध्यक्षको राजीनामा
फाइल तस्बिर ।

काठमाडौं । स्वास्थ्य बिमा बोर्डका अध्यक्ष डा. गुणराज लोहनीले बुझाएको राजीनामा दुई महिनापछि स्वीकृत भएको छ । आइतबार बसेको मन्त्रिपरिषद् बैठकले उनको राजीनामा स्वीकृत गरेको हो । 

२०८० मंसिर १४ मा बोर्ड अध्यक्ष नियुक्त भएका डा. लोहनीले तीन वर्ष दुई महिना कार्यकाल बाँकी रहँदै गएको भदौ २८ गते राजीनामापत्र बुझाएका थिए ।

स्वास्थ्यमन्त्रीको सचिवालयमा बुझाइएको पत्र स्वास्थ्यमन्त्री प्रदीप पौडेलले असोज पहिलो साता नै मन्त्रिपरिषद् लगे पनि स्वीकृत हुन समय लागेको थियो । 

बोर्डका कार्यकारी निर्देशक डा. युवनिधी बसौलाको समेत सोमबारबाट नै चारवर्षे कार्यकाल सकिएको छ । उनी केहीदिनअघि नै बोर्डबाट बिदा भइसकेका छन् । अध्यक्ष र कार्यकारी निर्देशक दुवै बाहिरिएसँगै बोर्ड तत्काललाई नेतृत्वविहीन बनेको छ । 

प्रकाशित मिति: सोमबार, कात्तिक २६, २०८१  १७:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro