काठमाडौं । कालीकोटमा आइतबार दिउँसो जीप दुर्घटनामा परी ज्यान गुमाएका ६ यात्रुको सनाखत भएको छ । उनीहरू सबै कालीकोटको पलाँता गाउँपालिका–६ का बासिन्दा हुन् ।

दुर्घटनामा परी पलाँता–६ का दशकला शाही, पदम बम, भगवती रोकाय, गणेश शाही, छाया शाही र दमन रोकायको मृत्यु भएको कर्णाली प्रदेश प्रहरी कार्यालयका निमित्त प्रमुख एवं एसएसपी राजेन्द्र भट्टले जानकारी दिए ।

दुर्घटनामा १३ जना घाइते भएका छन् । कर्णाली प्रदेश ००१ ज ५६ नम्बरको जीप पलाँतामा दुर्घटना भएको थियो ।