काठमाडौं । उत्तर कोरियाका ‘सर्वोच्च नेता’ किम जोङ उनले आफ्नी १०/११ वर्षीया छोरीलाई उत्तराधिकारी बनाउने संकेत देखाएका छन् । दक्षिण कोरियाको सरकारी गुप्तचर संस्थाका अनुसार, किमले आफ्नी छोरी किम–जुएईलाई उत्तराधिकारी बनाउन संकेत देखाएका हुन् ।

किमकी छोरी जुईए सन् २०२२ मा आफ्ना बुबासँग पहिलोपटक एउटा मिसाइल परीक्षण कार्यक्रममा देखिएकी थिइन् । किमका तीन सन्तान छन् । जुईए किमसँगै सार्वजनिक समारोहमा देखा पर्ने उनकी कान्छी छोरी हुन् ।
सन् २०२२ पछि लामो समय बुबासँगै सार्वजनिकस्थलमा देखा नपरेकी जुएई पछिल्लो समय नियमितजसो सार्वजनिक कार्यक्रममा देखा पर्छिन् ।

उत्तर कोरियाका सञ्चारमाध्यमले सुरुमा उनलाई ‘किमकी प्रिय छोरी’ भनेर सम्बोधन गर्थे । तर, अहिले ‘सम्मानित’ ‘देशको बिहानीको तारा’ भनेर सम्बोधन गर्छन् । यी उपनामहरू यसअघि उत्तर कोरियाको शासनका पुग्ने सम्भावित व्यक्तिका लागि प्रयोग हुँदै आएका छन् । त्यसकारण किमकी छोरी नै किमकी उत्तराधिकारी हुने अनुमान गर्न थालिएको छ । तर, उनी बुबाको उत्तराधिकारी बन्छिन् कि बन्दिनन् भन्ने आधिकारिक जानकारी छैन ।

यसअघि, किमकी बहिनी किम यो जोङ पनि यसैगरी सार्वजनिक समारोहमा देखा पर्थिन् । किमको अन्तर्राष्ट्रिय विभागसमेत उनैले सम्हाल्थिन् । त्यतिखेर किमकी बहिनी किम यो जोङ किमको उत्तराधिकारी बन्न सक्ने अनुमान गरिएको थियो । तर, पछिल्लो समय किमसँगै सार्वजनिक समारोहमा उनकी छोरी देखिन थालेपछि किमकी बहिनी उत्तराधिकारी बन्ने सम्भावना कम भएको अनुमान गर्न थालिएको छ ।

एपीबाट ।