site stats
बाह्रखरी :: Baahrakhari
विदेश
Global Ime bankGlobal Ime bank
अस्थायी विदेशी कामदार घटाउने क्यानडाको घोषणा, भारतलाई झड्का !

काठमाडौं । क्यानडाका प्रधानमन्त्री जस्टिन ट्रुडोले क्यानडामा अस्थायी विदेशी कामदारको संख्या घटाउने बताएका छन् । जस्टिन ट्रुडोले सोसल मिडिया प्लेटफर्म एक्समार्फत क्यानडामा अस्थायी विदेशी कामदारको संख्या घटाइने घोषणा गरेका हुन् ।

"हामी कम्पनीहरूका लागि कडा नियम ल्याउँदै छौँ । अब कम्पनीहरूले सुरुमा क्यानडाका कामदाहरू किन लिन सक्दैनौँ भनेर बताउनुपर्ने हुन्छ," उनले भनेका छन् ।

नयाँ नियमले क्यानडाका नागरिकलाई भने असर नगर्ने प्रधानमन्त्री ट्रुडो भनाइ छ । "राम्रो काम पाउन क्यानडाका नागरिकहरूले संघर्ष गर्नुपर्ने अवस्था आउनु उचित होइन," ट्रुडोलाई उद्धृत गर्दै बीबीसीले लेखेको छ ।

भारतसँग कूटनीतिक तनाव बढिरहेका बेला क्यानडाले अस्थायी विदेशी कामदार घटाउन लागेको हो । यसबाट भारत, नेपालसहित विदेशी कामदारलाई भारी असर गर्न सक्ने देखिएको छ ।

क्यानडामा विद्यार्थीसहित ठूलो संख्यामा भारतीय बस्छन् । भारतबाट लाखौँ विद्यार्थी अध्ययनका लागि क्यानडा जान्छन् ।

भारतको विदेश मन्त्रालयको डिसेम्बर २०२३ को दस्तावेज अनुसार, दुई लाख ३० हजार भारतीय विद्यार्थी क्यानडामा अध्ययनरत छन् । यस्तै, भारतीय मूलका १८ लाख क्यानडाका नागरिक हुन् । दश लाख भारतीय क्यानडामा बस्छन् ।

खालिस्तान समर्थक हरदीप सिंह निज्जरको हत्यालाई लिएर भारत र क्यानडाबीचको सम्बन्धमा निकै खराब स्थितिबाट गुज्रिरहेको छ । गत वर्ष क्यानडाका प्रधानमन्त्री जस्टिन ट्रुडोले निज्जरको हत्यामा भारतीय एजेन्टको संलग्नता रहेको आरोप लगाएका थिए ।

प्रकाशित मिति: बिहीबार, कात्तिक ८, २०८१  १३:५७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro