site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
नेप्सेसँगै घट्यो कारोबार रकम

काठमाडौं । धितोपत्र दोस्रो बजार मापक नेप्से परिसूचक २६.०७ अंकले घटेर २५९७.४९ विन्दुमा बन्द भएको छ । बुधबार नेप्से परिसूचक ०.९९ प्रतिशतले घटेर बन्द भएको नेपाल स्टक एक्सचेन्ज (नेप्से)ले जनाएको छ ।

यसदिन नेप्सेसँगै कारोबार रकममा पनि कमी आएको छ । आज ६ अर्ब ७७ करोड रुपैयाँको सेयर कारोबार भएको छ । मंगलबार भने सात अर्ब ६१ करोड रुपैयाँको सेयर कारोबार भएको थियो ।

आज ५४ कम्पनीको सेयर मूल्य बढेको छ भने १८७ कम्पनीको सेयर मूल्य घटेको छ । तीन वटा कम्पनी मोदी इनर्जी, पिपुल्स हाइड्रोपावर कम्पनी र सूर्यज्योति लाइफ इन्स्योरेन्सको सेयर मूल्य स्थिर छ ।

थ्रिस्टार हाइड्रोपावरको सेयर मूल्य १० प्रतिशतले वृद्धि भएर ८८३ रुपैयाँ ३० पैसा कायम भएको नेप्सेले जनाएको छ । विन नेपाल लघुवित्त वित्तीय सेयर मूल्य भने १० प्रतिशतले घटेर तीन हजार १५० रुपैयाँ कायम भएको छ ।

नेपाल फाइनान्सको सेयर कारोबार सर्वाधिक मूल्यको भएको छ । यो कम्पनीको २० करोड ७१ लाख रुपैयाँको सेयर कारोबार भएको छ ।

कारोबारमा आएका १३ समूहगत परिसूचकमध्ये फाइनान्स समूहको परिसूचक वृद्धि भएको छ । यो समूहको परिसूचक १.७५ प्रतिशतले वृद्धि भएको छ । बाँकी १२ समूहको परिसूचक घटेको छ ।

प्रकाशित मिति: बुधबार, असोज १६, २०८१  १५:१८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro