काठमाडौं । चलचित्र ‘एक्लो’को छायांकन सकिएको छ । साइन्स फिक्सन चलचित्रको अपर मुस्ताङ र काठमाडौंमा छायांकन गरिएको हो । 

चलचित्रका कार्यकारी निर्माता विनोद सुवेदी क्षितिजका अनुसार ३५ दिनमा चलचित्रको छायांकन सकिएको हो । चलचित्रको पोस्ट प्रोडक्सनको काम लन्डनमा गरिने निर्देशक प्रदीप शाहीले बताएका छन् । 

चलचित्र ‘एक्लो’मा प्रदीप खड्का, बेनिसा हमाल, विजय लामा, सुनील थापा, दीया पुन, दिनेश डिसी, सुरज सिंह ठकुरी, एवन राज उप्रेति, कविता नेपालीलगायको अभिनय छ । हलिउड कलाकार जेमी बेकम बेलायतको निर्माण साझेदारको रूपमा समेत जोडिएका छन् ।