सिड्नी । गायक ब्रदी पंगेनीलाई अस्ट्रेलियाको सिड्नीमा सम्मान गरिएको छ । तिजको अवसर पारेर सांगीतीक कार्यक्रममा सहभागी हुन सिड्नी आइपुगेका पंगेनीलाई अस्ट्रेलियामा सम्मान गरिएको हो । 

सिड्नीको ग्रानभिलस्थित ‘फ्लेवर्स अफ नेपाल’ रेस्टुरेन्टले पंगेनीलाई खादा र कदर पत्रसहित सम्मान गरेको हो । एनआरएनए ओसेनिया क्षेत्रीय संयोजक दिनेश पोखरेल र आयोजक राजेस केसीले पंगेनीलाई सम्मान गरेका थिए ।  

कार्यक्रममा नेपाल अस्ट्रेलियन युथ एशोसिएसनका अध्यक्ष विपीन थापा, झापाली समाज अस्ट्रेलियाका अध्यक्ष अशोक उप्रेती र एनआरएनए एनएसडब्लू सचिव कल्याण खड्कालगायत अन्य अतिथिहरूको उपस्थिति थियो । 

गायक पंगेनीले अस्ट्रेलियामा रहेका नेपालीको सांस्कृतिक कार्यक्रमप्रति अभूतपूर्व उत्साह देखिएको बताए । उनले भने, “यहाँ आएर कार्यक्रम गर्न पाउँदा नेपालमै भएको जस्तो लाग्यो ।”