काठमाडौं । चालु आर्थिक वर्ष २०८१/०८२ को पहिलो महिना साउनमा ३८१ विद्युतीय गाडी (ईभी) भित्र्याइएको छ । पहिलो महिनामै ८९ करोड ७० लाख २१ हजार रुपैयाँका ईभी आयात गरिएको भन्सार विभागले जनाएको छ । सरकारले यी गाडीबाट ५२ करोड १८ लाख २७ हजार रुपैयाँ राजस्व संकलन गरेको छ ।

सबैभन्दा धेरै ५१ देखि १०० किलोवाटसम्म क्षमताका २१६ गाडी भित्र्याइएको ५० किलोवाटसम्म क्षमताका १६१ गाडी आयात गरिएको छ । १०० किलोवाटभन्दा बढी क्षमताका चार कार, जीप तथा भ्यान भित्र्याइएको छ ।

सबैभन्दा बढी चीनबाट २०२ ईभी आयात गरिएको छ । भारतबाट १७८ ईभी भित्र्याइएको छ । जर्मनीबाट एउटा गाडी आयात गरिएको छ ।