काठमाडौं । चलचित्र ‘खुस्मा’को टिजर सार्वजनिक भएको छ । आगामी असोज ३ गते संविधान दिवसको अवसर पारेर प्रदर्शनमा आउने चलचित्रको टिजर आज सार्वजनिक गरिएको हो । 

टिजरमा मुख्य पात्र धिरज मगर र उपासना सिंह ठकुरीको प्रेम, बाध्यता, बदला र बिछोडलाई प्रस्तुत गरिएको छ । टिजरमा माओवादी द्वन्द्वले गाउँमा पारेको प्रभावलाई पनि देखाउने प्रयास गरिएको छ । 

सिनेमाको लेखन तथा निर्देशन अशोक थापा मगर गरेका छन् । मोहन राई कार्यकारी निर्माता रहेको चलचित्रमा दीपक बज्राचार्यको छायांकन छ ।

चलचित्रमा धिरज र उपासनासँगै माओत्से गुरुङ, खड्गबहादुर पुन, सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगरलगायत कलाकारको अभिनय छ ।