काठमाडौं । साहित्यिक पत्रकार संघले सात सर्जकलाई ‘सापस विशिष्ट सर्जक सम्मान’बाट अभिनन्दित तथा सम्मानित गर्ने घोषणा गरेको छ । 

संघले जारी गरेको विज्ञप्तिअनुसार अभिनन्दित हुने अग्रज सर्जकमा साहित्यकार तेजेश्वरबाबु ग्वङ्ग, रोचक घिमिरे, कालीप्रसाद रिजाल, भागीरथी श्रेष्ठ, वसुन्धरा भूषाल, रामबाबु सुवेदी र डा. दुबसु क्षेत्री छन् । 

देवीभक्त श्रेष्ठलाई सापस विशेष सर्जक÷अभियन्ता सम्मान, सविता श्रेष्ठ ‘बेहोसी’लाई सापस विशेष सिर्जना सम्मान तथा बाबुराम श्रेष्ठलाई सापस प्रतिभा सम्मानबाट सम्मानित गरिने जनाएको छ । 

साहित्यकारहरू नरेन्द्रबहादुर श्रेष्ठ, पद्मावती सिंह र उन्नती बोहरा शीला सम्मिलित समितिको सिफारिसलाई संघका अध्यक्ष राधेश्याम लेकालीको अध्यक्षतामा बसेको कार्यसमिति बैठकले निर्णय गरेको विज्ञप्तिमा जनाइएको छ ।