काठमाडौं । साहित्यकार तथा चिन्तक राप्रउ पोखरेल (रामजीप्रसाद उपाध्याय पोखरेल)लाई २०८१ सालको ‘शब्दयात्रा बद्रीविक्रम थापा महोत्तरी प्रतिभा पुरस्कार’ प्रदान गरिएको छ । साहित्यकार पोखरेल महोत्तरीको बिजलपुरामा जन्मिएका हुन् ।

साहित्य, संस्कृति, सामाजिक अध्ययनलाई आधार बनाई कृतिको लेखन तथा प्रकाशन गरेर नेपाली समाजको सकारात्मक रूपान्तरणका निम्ति भूमिका निर्वाह गरेकामा उनलाई २५ हजार रुपैयाँ नगद राशिसहितको पुरस्कार प्रदान गरियो । प्रा. रामकुमार पाँडेलगायत व्यक्तिले पुरस्कार प्रदान गरेका ‘शब्दयात्रा’का हरिमञ्जुश्रीले जानकारी दिए ।

हरेक वर्ष प्रदान गरिँदै आएको यो पुरस्कार समाजसेवी किरण थापाको सक्रियतामा कर्मयोगी बद्रीविक्रम थापा स्मृति सेवा गुठीले कोष व्यवस्थापन गरेको छ ।