काठमाडौं । गायिका शान्तिश्री परियारले आफूले गाएको गीतले दर्शकको मनमा ठेस पुगेको भन्दै माफी मागेकी छन् । उनले गाएका केही गीतको चौतर्फी आलोचना भएपछि उनले माफी मागेकी हुन् । 

राष्ट्रिय लोक तथा दोहोरीगीत प्रतिष्ठान नेपालको केन्द्रीय सदस्य समेत रहेकी उनले संस्था र दर्शक दुवैको हितविपरीत रहेको भन्दै विज्ञप्ति जारी गर्दै माफी मागेकी हुन् । 

‘बिस्ताराले पोल्यो’ गीत गाएर आफूले गल्ती गरेको उनले स्वीकार गरेकी छन्  । गीतको भिडियोको केही दृष्यांशहरूको कारण दर्शक, स्रोताको मनोभावना तथा सामाजिक परिप्रेक्षमा नकारात्मक असर परेको उनले बताएकी छन् । 

तिजका अश्लील र अपाच्य गीत रोक्न सरकारलाई प्रतिष्ठानको आग्रह

“सामाजिक संजालहरूमा धेरै नकारात्मक टिकाटिप्पणी आइरहेको हुँदा म लोक तथा दोहोरीगीत प्रतिष्ठान नेपालको केन्द्रीय सदस्यको नाताले मसँग सम्बन्धित गीतले प्रतिष्ठानको प्रतिष्ठाप्रति र शुभचिन्तकहरूप्रति आँच पुग्न गएको आभास भएकाले  क्षमाप्रार्थी छु,” उनले भनेकी छन् । 

तिजका गीतका नाममा भद्दा मजाक गर्दै लोकप्रिय कलाकार

आगामी दिनमा शब्द संगीत छनोट गरी गाउने पनि उनले प्रतिबद्धता जनाएकी छन् ।