काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले आफू अहिलेको सत्ता गठबन्धन 'निकै बलियो' हुनेमा ढुक्क रहेको भन्दै व्यंग्य गरेका छन् ।

आइतबार सामाजिक सञ्जालमार्फत लामिछानले सरकारका पछिल्ला कदम र नेपाली कांग्रेसका महामन्त्री विश्वप्रकाश शर्माको अभिव्यक्ति सुनेपछि गठबन्धन निकै बलियो हुनेमा 'पूरै ढुक्क' भएको बताएका हुन् ।

सरकारका पछिल्ला कदम र कांग्रेस महामन्त्रीज्यूको कुरा सुने पछि पूरै ढुक्क भैयो, यो गठबन्धन निकै बलियो हुनेछ । त्यसैले सम्झौताको बुँदा ४ अनुसार २०८३ साल साउनमा प्रधानमन्त्री बन्न लाग्नुभएका कांग्रेस सभापति माननीय शेरबहादुर देउवालाई हार्दिक बधाई दिँदै सफल कार्यकालको शुभकामना दिन चाहन्छु," रविले लेखेका छन् ।