काठमाडौं । एप्पलले बुधबार आफ्नो म्याप्स (नक्सा)को वेब संस्करण सार्वजनिक गरेको छ । यससँगै अब आफ्नो ब्राउजरबाट गुगलकोझै एप्पलको नक्सा पनि हेर्न सकिने भएको हो ।

लामो समयदेखि वेबमा उपलब्ध गुगल म्याप्सलाई टक्कर दिन अब एप्पल म्याप्स पनि वेब संस्करणमा आएको छ ।

एप्पलको म्याप्स म्याक र आईप्याडमा क्रोम तथा सफारी र विन्डोजको समेत क्रोम र एजमा उपलब्ध भएको छ ।

हाल अंग्रेजी भाषामा उपलब्ध म्यापलाई आगामी दिनमा अन्य भाषा, ब्राउजर र प्लेटफर्मममा उपलब्ध गराउने जनाएको छ ।

एप्पलले आईफोनमा म्याप्स ल्याएको १२ वर्षपछि मात्रै वेब संस्करण ल्याएको हो । यसलाई अन्य वेबसाइटमा पनि प्रयोग गर्न सकिने र फिचरहरू थप्दै जाने कम्पनीले जनाएको छ ।