मस्को । भारतका प्रधानमन्त्री नरेन्द्र मोदीको रुस भ्रमणको क्रममा आफ्नो सेनामा भर्ना भएका भारतीयलाई स्वदेश फर्काउन सहमति जनाएको छ । 

भारतको विदेश मन्त्रालयले यसको जानकारी दिएको हो । यो घोषणा भारतीय प्रधानमन्त्रीको मस्को भ्रमणको अन्त्यमा जानकारी दिइएको हो । भ्रमणका क्रममा मोदीले रुसका राष्ट्रपति भ्लादिमिर पुटिनसमक्ष सो मुद्दा उठाएको जनाइएको छ ।

भारतले उनीहरूलाई लडाइँका लागि नभइ अलग युनिटमा काम गराइने भनिएकोमा पछि युक्रेनसँगको लडाइँमा लगिएको जनाएको बताइएको छ । युक्रेन युद्धमा अहिलेसम्म कम्तीमा चार भारतीय मारिएको जनाइएको छ ।

मंगलबार एक पत्रकार सम्मेलनमा भारतका विदेश सचिव विनय क्वात्राले त्यसबारेमा रुसी पक्षसँग कुरा उठाइएको जनाएका छन् । उनीहरूलाई झुक्याएर सेनामा भर्ना गरेर लडाइँमा लगिएको उनको तर्क थियो । 

उनका अनुसार रुसी सेनामा करिब ४० भारतीय रहेकोमा १० जनालाई फिर्ता ल्याइसकिएको छ । बाँकीलाई ल्याउनको लागि कुराकानी भइरहेको जनाएका छन् । 

रुसको सेनामा भर्ना भएका भारतीयलाई राम्रो पैसा दिने र रुसी पासपोर्ट दिइने प्रलोभन दिइएको बताइएको छ  । त्यहाँ भर्ती भएका धेरैजसो गरिब परिवारका भएको र उनीहरूलाई रुसी सेनाको हेल्परको रूपमा काम लगाइने भनिएको थियो । बीबीसी