लस एन्जलस । नासाको जेम्स वेब स्पेस टेलिस्कोपको डाटा प्रयोग गरेर खगोलविद्ले सबैभन्दा टाढाको ज्ञात आकाशगंगा (ग्यालेक्सी) पत्ता लगाएको नासाले जनाएको छ ।

यो ग्यालेक्सी ब्रह्माण्ड उत्पत्तिको सुरुआती विस्फोट (बिग ब्याङ)को ३० करोड वर्षको समयभन्दा कम समयमा बनेको थियो । खगोलशास्त्रीले ब्रह्माण्डको सुरुआत कसरी भयो भनेर व्याख्या गर्ने बिग ब्याङ हो ।

यो ब्रह्माण्ड केवल एक विन्दुका रूपमा सुरु भयो । त्यसपछि विस्तारित, अहिले ठूलो रूपमा र अझै पनि फैलिइरहेको छ ।

पछिल्ला दुई वर्षमा वैज्ञानिकले वेबको प्रयोग गरी ‘कस्मिक डन’को पत्ता लगाउने प्रयास गरिरहेका छन् ।

यी आकाशगंगाहरूले ब्रह्माण्ड धेरै सानो हुँदा ग्यास, तारा र ‘ब्ल्याक होल’हरू परिवर्तन भएका तरिकाहरूमा महत्त्वपूर्ण अन्तरदृष्टि प्रदान गर्ने नासाले जनाएको छ । रासस/सिन्ह्वा