काठमाडौं । जगदम्बा मोटर्सले ग्राहकहरूका लागि विभिन्न पृष्ठभूमिका ३० राइडरहरूसहित काठमाडौंदेखि कुलेखानीसम्मको यात्रा ‘फर्स्ट रोनिन कल्ट राइड’ सम्पन्न भएको छ । टीभीएस मोटर नेपालको एकमात्र आधिकारिक बिक्रेता हो ।

२३ वर्षीय राइडर सञ्जय आलेले यस महत्वपूर्ण सवारीका लागि पोखरादेखि काठमाडौंसम्मको यात्रा गरेका थिए । उनी सहभागीहरूको साहसिक जोशको प्रतीक बनेको पनि बताइएको छ ।

जेठ १२ गते आयोजित ‘रोनिन कल्ट राइड’ आधुनिक रेट्रो मोटरसाइकल उत्साहीहरूका बीच साहसिक र सौहार्दताको भावनाका साथ उत्कृष्ट सफलता हासिल गरेको कम्पनीको ठहर छ । २३ देखि ५५ वर्ष उमेरका सहभागीहरूको विविध समूहको उपस्थिति रहेको पनि जानकारी दिइएको छ ।

यात्रामा राइडरहरूले टीभीएस रोनिनलाई लामो यात्राका लागि आरामदायी र भरपर्दो सवारी साधनको रूपमा आफ्नो विश्वास व्यक्त गरेका थिए । यसको उच्चतम २२५ सीसी सिंगल–सिलिन्डर इन्जिनले बलियो टर्क र सहज पावर डेलिभरी प्रदान गर्ने कम्पनीले जानकारी दिएको छ । २२५ सीसी सिंगल–सिलिन्डर इन्जिनले सहरी र लामो दूरी दुवै यात्राका लागि सहज बनाउने पनि बताइएको छ ।

जगदम्बा मोटर्स नेपालमा टीभीएस ब्रान्डका दुई पांग्रे सवारीसाधन ब्रान्डको आधिकारिक विक्रेताको रूपमा परिचित छ । यी ब्रान्डका मोटरसाइकल र स्कुटर दुवै नेपाली जनतामाझ राइडर फ्ल्याग सिप मोडेलको रूपमा टीभीएस अपाचे आरटीआर र एनटर्क लोकप्रिय छन् । यो ब्रान्ड पावरको हिसाबले र स्पोर्टी लुकसहितको मोटरसाइकलको रुपमा लोकप्रियता हासिल गरेको छ । जगदम्बा मोटर्स प्रा. लि.को १४० भन्दा बढी डिलरहरू र २०० भन्दा बढी आधिकारिक सेवा केन्द्रहरूका साथ काठमाडौंमा ६ विशेष शोरूमहरू सहितको विस्तृत डिलर नेटवर्क रहेको छ ।