![साढे दुई खर्ब लगानीको प्रतिफल प्राप्त नभएपछि महालेखाले गर्यो व्यवस्थापनमाथि प्रश्न](https://12khari.top/uploads/posts/mahalekha-parichhakko-office1-1716723936.jpg)
काठमाडौं । सरकारले १०३ संस्थामा गरेको दुई खर्ब ४९ अर्ब ५३ करोड रुपैया लगानीको प्रतिफल नआएपछि महालेखापरीक्षकको कार्यालयले व्यवस्थापनमाथि प्रश्न उठाएको छ । महालेखाले आइतबार सार्वजनिक गरेको ६१औँ वार्षिक प्रतिवेदनमा १०३ कम्पनीमा गरिएको लगानीको प्रतिफल सरकारलाई प्राप्त नभएको उल्लेख छ ।
सरकारले राष्ट्रिय र अन्तर्राष्ट्रिय गरी ११८ संस्थानमा तीन खर्ब ८६ अर्ब सात करोड २८ लाख रुपैयाँको सेयर लगानी गरेको छ । तर, ११ संस्थानबाट सरकारलाई २७ अर्ब ३८ करोड सात लाख रुपैयाँ नगद लाभांश प्राप्त भएको छ । उक्त लाभांश प्राप्तिमा नेपाल राष्ट्र बैंकलाई समावेश नगर्दा १६ अर्ब २५ करोड ४५ लाख रुपैयाँ हुन आउने पनि प्रतिवेदनमा उल्लेख छ ।
अघिल्लो वर्ष यी संस्थानबाट प्राप्त हुने लाभांशको तुलनामा यो ३.८४ गुणाले बढी हो । नेपाल दूरसञ्चार प्राधिकरणले सम्पूर्ण लगानी फिर्ता गरेकाले यो रकम बढ्न गएको पनि प्रतिवेदनमा जनाइएको छ ।