जेरुसेलम । हमासले अपहरण गरेका तीन बन्धकका शव उत्तरी गाजाको जवालिया क्षेत्रमा फेला परेको इजरायली सेनाले शुक्रबार जनाएको छ ।

उनीहरू तीनैजना इजरायलको गाजासँगको सीमास्थित मेफाल्सिम इन्टरसेक्सनमा अक्टोबर ७ मा मारिएका र शवलाई हमासले नै लगेको इजरायली सेनाको भनाइ छ ।

शव भेटिएका बन्धकको नाम हनान याब्लोंका, माइकल निसेनबाउम र ओरियन हेर्नान्देज भएको र उनीहरूका परिवारलाई त्यसबारेमा खबर गरिएको इजरायली सेनाले जनाएको छ ।

हमासले अक्टोबर ७ मा आक्रमण गरेपछि ठूलो संख्यामा मानिसलाई बन्धक बनाएको थियो । सीएनएनबाट ।