काठमाडौं । चेन्नाई सुपर किंग्सविरुद्ध २७ रनको जित निकाल्दै रोयल च्यालेन्जर्स बेंगलुरु इन्डियन प्रिमियर लिग (आईपीएल) को प्लेअफमा पुग्ने चौथो टोली बनेको छ ।

शनिबार राति एम चिन्नास्वाम रंगशालमाा भएको खेलमा बेंगलुरुले टस हारेर पहिले ब्याटिङ गर्दै २१८ रनको योगफल खडा गरेको थियो । २१९ रनको लक्ष्यसहित जवाफी ब्याटिङमा आएको चेन्नाईले निर्धारित २० ओभरमा १९१ रनमात्र बनाउन सक्यो । चेन्नाईलाई प्लेअफमा पुग्न २०१ रन बनाउनु पर्ने थियो । तर, अन्तिम ओभरमा २०१ रन पूरा गर्न १७ रन आवश्यक भए पनि चेन्नाईले सात रनमात्र बनाउन सक्यो । यता, बेंगलुरुलाई भने प्लेअफमा पुग्न १८ रनको जित पर्याप्त थियो ।

योसँगै आईपीएलको प्लेअफमा पुग्ने चार वटै टिमको टुंगो लागेको छ । लिग चरणबाट कोलकाता नाइट राइडर्सले शीर्ष स्थानमा रहँदै प्लेअफमा स्थान पक्का गरेको हो । यस्तै, राजस्थान रोयल्स र सनराइजर्स हैदरावादसँगै रोयल च्यालेन्जर्स बेंगलोर चौथो स्थानमा रहँदै प्लेअफमा पुगेको हो ।

लिग चरणको अन्तिम दुई खेल आज हुँदै छन् । जसअन्तर्गत पहिलो खेलमा सनराइजर्स हैदराबाद र पञ्जाव किंग्स भिड्दा दोस्रो खेलमा राजस्थान रोयल्स र कोलकाता नाइट राइडर्सबीच प्रतिस्पर्धा हुनेछ ।