काठमाडौं । वेस्ट इन्डिज ‘ए’सँगको पाँचौँ खेलमा नेपालले कुशल भुर्तेललाई पहिलो विकेटका रूपमा गुमाएको छ ।

कीर्तिपुरस्थित त्रिवि क्रिकेट मैदानमा वेस्ट इन्डिजले प्रस्तुत गरेको १७३ रनको लक्ष्य पछ्याइरहेको नेपालले १.४ ओभरमा कुशललाई गुमाएको हो । कुशलले टिमको खातामा १३ रन थपे ।

जारी खेलको तीन ओभर सकिँदा नेपालले एक विकेट गुमाएर २५ रन बनाएको छ ।

त्यसअघि, टस जितेर ब्याटिङमा उत्रिएको वेस्ट इन्डिजले निर्धारित २० ओभरमा सात विकेट गुमाएर १७२ रन बनाएको थियो ।

शृंखलाका चारमध्ये यसअघि तीन खेलमा जित निकाल्दै वेस्ट इन्डिज प्रतियोगिताको च्याम्पियन बनिसकेको छ । पहिलो खेलमा नेपालल चार विकेटले विजयी भएको थियो । त्यसपछि वेस्ट इन्डिजले १०, ७६ र २८ रनको जित निकालेको थियो ।