बेइजिङ । चीनका राष्ट्रपति सी जिनपिङ झन्डै पाँच वर्षपछि युरोप भ्रमणमा जाने भएका छन् । सी यही मे ५ तारेख (आउँदो आइतबार)बाट १० तारेखसम्म फ्रान्स, सर्विया र हंगेरीको निमन्त्रणामा त्यसतर्फ जान लागेको बताइएको छ ।
उनी फ्रान्सका राष्ट्रपति इम्मानुएल म्याक्रोन, सर्वियाका राष्ट्रपति अलेक्याज्याण्डर भूसिक तथा हंगेरीका राष्ट्रपति तामस सुल्योक र प्रधानमन्त्री भिक्टोर ओर्बानको निम्तोमा त्यसतर्फ जान लागेको चिनियाँ विदेश प्रवक्ता हुवा चुनविङले बताएका छन् । चीन र युरोपबीच सम्बन्ध अघि बढाउन यो भ्रमणले आकार दिने विज्ञहरूले जनाएका छन् ।
चीन र फ्रान्सबीच यो वर्ष कूटनीतिक सम्बन्ध स्थापनाको ५० वर्ष पुग्नेछ । फ्रान्समा सी र म्याक्रोनबीच चीन—फ्रान्स र चीन—युरोपेली संघ सम्बन्ध तथा अन्तर्राष्ट्रिय अन्य विषयमा पनि कुराकानी हुने चीनको विदेश मन्त्रालयले जनाएको छ । ग्लोबल टाइम्स
