काठमाडौं । इन्डियन प्रिमियर लिग (आईपीएल)मा कोलकाता नाइट राइडर्सले दिल्ली क्यापिटल्सविरुद्ध सात विकेटको सहज जित निकालेको छ । सोमबार इडेन गार्डेनमा सम्पन्न खेलमा दिल्लीले प्रस्तुत गरेको १५४ रनको लक्ष्य कोलकाताले १६.३ ओभरमा तीन विकेट गुमाएर पूरा गरेको हो ।  

कोलकाताको जितमा ओपनर फिल साल्टले सर्वाधिक ६८ रन बनाए । उनले ३३ बलमा सात चौका र पाँच छक्का प्रहार गरे । 

कप्तान श्रेयस ऐयरले ३३ वेन्कटेस ऐयरले २६, सुनिल नारिनले १५ र रिंकु सिंहले ११ रन बनाए ।  

दिल्लीका अक्षर पटेलले दुई र लिजाड विलियम्सले एक विकेट हात पारे ।  

त्यसअघि, टस जितेर ब्याटिङमा आएको दिल्लीले निर्धारित २० ओभरमा नौ विकेट गुमाएर १५३ रनको योगफल खडा गरेको थियो । दिल्लीका कुलदीप यादवले ३५ रन बनाए । कप्तान ऋषव पन्तले २७, अभिषेक पटेलले १८, अक्षर पटेलले १५ र पृथ्वी सले १३ रन थपे । 

कोलकाताका वरुण चक्रवर्तीेले तीन विकेट लिए । वैभव अरोरा र हर्षित रानाले समान दुई विकेट लिँदा मिचेल स्टार्क र सुनिल नारिनले एक–एक विकेट लिए । 

जितसँगै नौ खेलबाट १२ अंक जोडेको कोलकाता तालिकाको दोस्रो स्थानमा छ । ११ खेल खेल्दा १० अंक जोडेको दिल्ली तालिकाको छैटौं स्थानमा छ ।