site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
Nabil Bank Banner adNabil Bank Banner ad
स्थिर बजारमा फाइनान्स कम्पनीका लगानीकर्ताले सर्वाधिक कमाए

काठमाडौं । धितोपत्र दोस्रो बजार मापक नेप्से परिसूचक आइतबारकै विन्दुमा बन्द भएको छ । सोमबार दिनभरि बजारमा उतारचढाव देखिएको भए पनि अन्तिम समयमा बजार आइतबारकै विन्दुमा बन्द भएको हो ।

आइतबार बजार १९८० विन्दुमा बन्द भएको थियो । सोमबार पनि सोही विन्दुमा बजार बन्द भएको छ । नेपाल स्टक एक्सचेन्ज (नेप्स)का अनुसार, सोमबार दुई अर्ब ९५ करोड ९४ लाख रुपैयाँको सेयर कारोबार भएको छ ।

यस दिन ९९ कम्पनीको सेयर मूल्य वृद्धि भएको छ भने १२८ कम्पनीको सेयर मूल्य घटेको छ । १७ कम्पनीको सेयर मूल्य भने स्थिर छ ।

कारोबारमा आएका १३ समूहमध्ये फाइनान्स समूहको परिसूचक सर्वाधिक बढेको छ । यो समूहको परिसूचक ४.१७ प्रतिशतले वृद्धि भएको छ । यस समूहअन्तर्गतका फाइनान्स कम्पनीको सेयर मूल्य सोमबार सर्वाधिक वृद्धि भएको छ । पोखरा फाइनान्स र जानकी फाइनान्सको सेयर मूल्य सोमबार १० प्रतिशतभन्दा बढीले वृद्धि भएको छ ।

सोमबार पोखरा फाइनान्सको सेयर मूल्य प्रतिकित्ता ७३१ रुपैयाँ कायम भएको छ । त्यस्तै जानकी फाइनान्सको सेयर मूल्य प्रतिकित्ता ५१७ रुपैयाँ कायम भएको छ । त्यस्तै, नेपाल फाइनान्सको सेयर मूल्य ९.९८ प्रतिशतले वृद्धि भएको छ ।

सर्वाधिक कारोबार हुनेमा पनि फाइनान्स कम्पनी नै छन् । पोखरा फाइनान्सको १७ करोड ५४ लाख रुपैयाँको सेयर कारोबार भएको छ ।
 

machhapuchchhre Bank banner admachhapuchchhre Bank banner ad
प्रकाशित मिति: सोमबार, वैशाख १७, २०८१  १५:३३
worldlinkworldlink
प्रतिक्रिया दिनुहोस्
national life insurance newnational life insurance new
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro