काठमाडौं । नेकपा (एकीकृत समाजवादी)का सांसद राजेन्द्र पाण्डेले नेपाली कांग्रेससँग वार्ता गरी संसद्को गतिरोध अन्त्य गर्न सरकारको ध्यानाकर्षण गराएका छन् । 

बुधबारको प्रतिनिधिसभा बैठकमा उनले सहकारी ठगीका विषयमा विशेष ध्यान दिनुपर्ने बताए । सहकारी ठगी प्रकरणमा रवि लामिछानेको नाम आएपछि कांग्रेसले केही समययता छानबिन समिति गठनको माग गरिरहेको छ । “प्रमुख प्रतिपक्षको मागलाई ध्यान दिएर सार्थक वार्ता गरी संसद्को यो गतिरोध अन्त्य गर्न म सभामुखमार्फत सरकारलाई ध्यानाकर्षण गर्न चाहन्छु,” उनले भने । 

उनले ०४७ सालयताका भ्रष्टाचारको छानबिन गर्ने कुरामा सहमति जनाउँदै कारबाही गर्न आग्रह गरे । उनले बजेटमा उल्लेखित संसदीय पूर्वाधार विकास कार्यक्रम कहाँ गयो भनि प्रश्न गरे । उनले त्यो रकम जाजरकोट भूकम्पपीडितकोमा पुगेको सुनेको भन्दै त्यही शीर्षकको बजेट त्यहँ लैजानुपर्थ्यो भनि प्रश्न पनि गरे ।