काठमाडौं । आसन्न उपनिर्वाचनका उमेदवारले चुनाव चिह्न पाएका छन् । निर्वाचन आयोगले मंगलबार उमेदवारहरूलाई चुनाव चिह्न वितरण गरेको हो ।

राजनीतिक पार्टीका तर्फबाट उमेदवार बनेकालाई सोही दलको चुनाव चिह्न दिइएको छ । स्वतन्त्र उमेदवारहरूलाई भने विभिन्न चिह्न पाएका छन् ।

मंगलबारै उमेदवारको अन्तिम नामावली प्रकाशन समेत गरिएको छ । इलाम क्षेत्र नम्बर–२ मा दलका तर्फबाट १२ र सात स्वतन्त्र उमेदवार कायम छन् ।

• उपनिर्वाचन : इलाममा १९ र बझाङमा ११ उमेदवार (सूचीसहित) 

तीमध्ये पहिचानवादीतर्फका स्वतन्त्र उमेदवार डकेन्द्रसिंह लिम्बू ‘थेगिम’ले मुढा चुनाव चिह्न पाएका छन् । स्वतन्त्र उमेदवार अर्जुनबहादुर शाहीले डोजर, डाकप्रसाद गौतमले महिला, दिपेश बोहोराले सिरिन्ज, मनोज निरौलाले माछा चिह्न पाएका छन् ।

उमेदवार योगेन्द्र गुरुङले कैँची, राज बस्यालले जुँगासहितको अनुहार चिह्न पाएकोे निर्वाचन आयोगले जनाएको छ ।

निर्वाचन चिह्नको सूची हेर्नोस्–