काठमाडौं । सप्तकोसी नदीमा डुंगामा लैजादै गरेको गाँजा बरामद गरिएको छ । सशस्त्र प्रहरीले सप्तकोसी नदीमा डुंगामा लैजादै गरेको १६४ किलो गाँजा गएराति बरामद गरेको हो । 

राति १ : ३५ बजे सुनसरीको बराहक्षेत्र नगरपालिका–१ स्थित सप्तोकोसी नदीबाट ६ जनाले डुंगाबाट निकाल्दै गरेको अवस्थामा सशस्त्र प्रहरीले गाँजा बरामद गरेको हो । 

रातको समय भएकाले डुंगामा गाँजा लिएर आउने व्यक्तिहरू फरार भएको सशस्त्र प्रहरीको सहप्रवक्ता डीएसपी शैलेन्द्र थापाले जानकारी दिए । उनका अनुसार फागुन १ गतेदेखि हालसम्म एक एम्बुलेन्ससहित ५६४.४७५ किलो गाँजा बरामद भएको छ ।