काठमाडौं । राष्ट्रियसभा अध्यक्ष पदमा नेकपा (माओवादी केन्द्र)का नारायण दाहाल निर्वाचित भएका छन् । मंगलबार राष्ट्रियसभा बैठकमा भएको मतदानबाट उनी अध्यक्ष चुनिएका हुन् । दाहाल सत्ता गठबन्धनका तर्फबाट उमेदवार बनेका थिए ।

• राष्ट्रियसभा अध्यक्षमा निर्वाचित दाहालको यस्तो छ राजनीतिक पृष्ठभूमि 

उनले प्रमुख प्रतिपक्ष दल नेपाली कांग्रेसका तर्फबाट उमेदवार बनेका युवराज शर्मालाई पराजित गरे । दाहाललाई राष्ट्रियसभा अध्यक्षमा निर्वाचित गरियोस् भन्ने प्रस्तावका पक्षमा ३९ मत पर्‍यो । शर्माका पक्षमा भने १७ मत मात्र परेको थियो । अध्यक्षमा निर्वाचित भएपछि राष्ट्रियसभा सदस्यहरूले बधाई दिएका छन् । 

तस्बिरहरू हेर्नोस्