काठमाडौं । राष्ट्रियसभाका मनोनीत सांसद वामदेव गौतमले राष्ट्रियसभा अध्यक्षको निर्वाचनमा नारायण दाहालका पक्षमा मतदान गरेका छन् । मंगलबार राष्ट्रियसभा बैठकमा भएको अध्यक्षको निर्वाचनमा उनले सत्ता गठबन्धनका साझा उमेदवार दाहालका पक्षमा मतदान गरेका हुन् ।

तत्कालीन नेकपाको सिफारिसमा राष्ट्रपतिबाट मनोनीत गौतम नयाँ समीकरणको पक्षमा खुलेका हुन् ।

नेकपा (माओवादी केन्द्र)का दाहाल पनि राष्ट्रपतिबाट मनोनीत भएका थिए । उनी नेपाली कांग्रेसका उमेदवार युवराज गौतमलाई पराजित गर्दै राष्ट्रियसभा अध्यक्ष चयन भएका हुन् ।

अध्यक्षमा दाहाल निर्वाचित भएको घोषणा हुनासाथ गौतमले उठेर बधाई दिएका थिए ।

• राष्ट्रियसभा अध्यक्षमा निर्वाचित दाहालको यस्तो छ राजनीतिक पृष्ठभूमि