काठमाडौं । कर्णाली पुलमाथि एउटा ट्रकमा सोमबार आगलागी भएको छ । बर्दियाको ठाकुरबाबा नगरपालिका–२ स्थित कर्णाली पुलमाथि ट्रकमा आगो लागेको हो । सो ट्रक वीरगन्जबाट कञ्चनपुरतर्फ जाँदै थियो ।

ना५ख५२९७ नम्बरको लाइटर बोकेको ट्रकमा गुड्दा गुड्दै एक्कासि आगो लागेको कैलालीका डीएसपी कुलदीप चन्दले बाह्रखरीलाई जानकारी दिए ।

ट्रकमा लागेको आगो नियन्त्रणका निम्ति कैलालीको घोडाघोडी नगरपालिकाको दमकल पुगेको छ । आगो नियन्त्रणको प्रयास जारी छ ।