काठमाडौं । नेपाली बजारमा सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार आज सुन हालसम्मकै उच्च मूल्यमा कारोबार भएर नयाँ रेकर्ड बनाएको हो । 

यसअघि मंगलबार पनि सुनको मूल्यले नयाँ रेकर्ड बनाएको थियो । उक्त मूल्यलाई ब्रेक गर्दै आज छापावाल सुन तोलामा एक लाख २३ हजार ५०० रुपैयाँमा कारोबार भइरहेको छ । अघिल्लो दिन उक्त सुन तोलामा एक लाख २३ हजार रुपैयाँमा कारोबार भएको थियो ।

छापावाल सुन तोलामा एक लाख २२ हजार ९०० रुपैयाँमा कारोबार भइरहेको छ ।

आज चाँदीको मूल्य भने तोलामा पाँच रुपैयाँ घटेको छ । चाँदीको मूल्य तोलामा एक हजार ४४० रुपैयाँमा कारोबार भइरहेको महासंघले जनाएको छ ।