काठमाडौं । राजनीतिक दलसम्बन्धी (दोस्रो संशोधन) विधेयक, २०८० संसद्‌मा प्रस्तुत गरिएको छ । उपप्रधान एवं गृहमन्त्री नारायणकाजी श्रेष्ठले आइतबार प्रतिनिधिसभा बैठकमा विधेयक प्रस्तुत गरेका हुन् ।

ऐनको साविककै व्यवस्था कायम गर्दै विधेयक प्रस्तुत गरिएको छ । अध्यादेश ल्याएर यसअघि विधेयकका केही धारा हटाइएको थियो ।

त्यसअघि, सांसद प्रेम सुवालको विरोधको प्रस्ताव बहुमतले अस्वीकृत भएको थियो ।

योसँगै प्रतिनिधिसभाको आजको बैठक सकाइएको छ । अर्को बैठक भोलि बिहान ११ बजे बस्ने गरी बोलाइएको छ ।