काठमाडौं । आईसीसी यू–१९ विश्वकपअन्तर्गत सुपर सिक्सको आफ्नो पहिलो खेलमा बंगलादेशविरुद्ध नेपालका सुवास भण्डारीले पहिलो सफलता दिलाएका छन् ।

बुधबार दक्षिण अफ्रिकाको मनगंग ओभलमा नेपालले दिएको १७० रनको लक्ष्य पछ्याइरहेको बंगलादेशका ओपनर आसिकुर रहमान सिब्लीलाई नेपालका सुवासले ११.४ ओभरमा आउट गरेका हुन् । सिब्लीले बंगलादेशको खातामा १६ रन थपे ।

जारी खेलको १२ ओभर समाप्त हुँदा बंगलादेशले एक विकेट गुमाएर ६८ रन जोडेको छ ।

त्यसअघि टस जितेर ब्याटिङमा आएको नेपालले ४९.५ ओभरमा सबै विकेट गुमाएर १६९ रनको योगफल खडा गरेको थियो ।