site stats
बाह्रखरी :: Baahrakhari
खेल
Global Ime bankGlobal Ime bank
त्रिपाठीले तोडे न्युजिल्यान्डको शतकीय साझेदारी, लगातार विकेटले खेलमा फर्कियो नेपाल

काठमाडौं । आईसीसी यू–१९ विश्वकपमा नेपालका आकाश त्रिपाठीले पहिले ब्याटिङ गरिरहेको न्युजिल्यान्डको शतकीय साझेदारी तोडेका छन् ।

दक्षिण अफ्रिकाको इस्ट लन्डनस्थित बफेलो पार्कमा जारी खेलमा टस जितेर ब्याटिङमा उत्रिएको न्युजिल्यान्डले ४१.५ ओभरमा कप्तान ओस्कार ज्याक्सनलाई चौथो विकेटका रूपमा गुमायो । आकाशले ७५ रनमा खेलिरहेका ओस्कारलाई बोल्ड गरे । आकाशको यो विकेटसँगै न्युजिल्यान्डका कप्तान ज्याक्सन र स्नेहिथ रेड्डीबीचको शतकीय साझेदारी तोडिएको छ । यी दुईले ६७–३ बाट चौथो विकेटका लागि १५७ रनको साझेदारी गर्दै न्युजिल्यान्डको इनिङ्स उकासेका थिए ।

यसपछि ४३औँ ओभरमा गुल्सन झाले टिमका निम्ति पाँचौँ र छैटौँ विकेट लिँदा नेपाल खेलमा फर्किएको छ । गुल्सनले ४३औँ ओभरको दोस्रो बलमा लाक्लान स्टाकपोल र तेस्रो बलमा ज्याक कुमिन्सलाई पभेलियनको दिशा देखाएका हुन् ।

खेलको ४३ ओभर सकिँदा न्युजिल्यान्डले ६ विकेट गुमाएर २३० रन बनाएको छ । गुल्सनले दुई, सुवास भण्डारी, दिपेश कँडेल, तिलक भण्डारी र आकाश त्रिपाठीले समान एक विकेट लिएका छन् ।

प्रकाशित मिति: आइतबार, माघ ७, २०८०  १७:०६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro