काठमाडौं । राष्ट्रियसभा निर्वाचनमा नेकपा (माओवादी केन्द्र)ले अवसर नपाएकालाई उमेदवार बनाउने तयारी गरेको छ ।

पार्टीका उपाध्यक्ष एंव प्रवक्ता अग्निप्रसाद सापकोटाले घाइते, अपांगता भएकाहरूलाई प्राथमिकता दिनुपर्ने मोटामोटी समझदारी बनेको बताए । 

“घाइते, अपांगता भएका, अहिलेसम्म अवसर नपाएकाहरू, पहुँच र प्रभावमा नभएकाहरूलाई प्राथमिकता दिनुपर्छ भनेर प्रारम्भिक कुराकानी भएको छ,” उनले भने । 

गठबन्धनमा सिटबारे निर्णय भइसकेपछि उमेदवारबारे छलफल हुने उनले जानकारी दिए ।