काठमाडौं । साहित्यिक पत्रकार संघले क्याप्टेन नारायणप्रसाद राईको संस्मरणसंग्रह ‘लाहुरे’ एक समारोहबीच सार्वजनिक गरेको छ । 

शनिबार काठमाडौंमा आयोजित कार्यक्रममा प्रमुख अतिथि संस्कृति, पर्यटन तथा नागरिक उड्डयनमन्त्री सुदन किरातीले कृति विमोचन गरे ।

कार्यक्रममा मन्त्री किरातीले राईको यस संस्मरणात्मक कृतिले विशेष महत्व राख्ने बताए ।

कृतिको समीक्षा प्रा.डा. सुरेन्द्र केसीले गरेका थिए भने राधेश्याम लेकाली, जीवनकुमार राई, नारायणप्रसाद राई, डा. शान्तिमाया गिरी, भुवनसिंह लिम्बू लगायतले आफ्नो धारणा राखेका थिए ।