काठमाडौं । प्रभु बैंक लिमिटेडका प्रमुख कार्यकारी अधिकृत (सीईओ) अशोक शेरचन सम्मानित भएका छन् । बुधबार सातौँ बागलुङ महोत्सवमा राष्ट्रपति रामचन्द्र पौडेलले शेरचनलाई सम्मानित गरेका हुन् ।

उनलाई राष्ट्रपति पौडेलले सम्मानपत्र प्रदान गरे ।

प्रभु बैंकको प्रमुख कार्यकारी अधिकृतको रूपमा सफल नेतृत्व गरेको र बैंकिङ क्षेत्रबाट देशको आर्थिक विकासमा महत्त्वपूर्ण योगदान दिएको भन्दै सीईओ शेरचनलाई सम्मान गरिएको हो ।

बागलुङमा जन्मेका शेरचन सक्षम बैंकरको रूपमा स्थापित छन् । बैंकिङ क्षेत्रमा उनीसँग २८ वर्षको अनुभव छ ।

शेरचनको नेतृत्वमा रहेको प्रभु बैंकले केहीसमय अघि मात्रै ‘बैंक अफ दी इयर २०२३’ को उपाधि पाएको थियो ।