काठमाडौं । संकृति, पर्यटन तथा नागरिक उड्डयनमन्त्री सुदन किरातीले नेपाल वायुसेवा निगमका कर्मचारीलाई आन्दोलन स्थगित गर्न निर्देशन दिएका छन् । आन्दोलन स्थगित गरेर तत्काल काममा फर्कन समेत उनले निर्देशन दिएका छन् ।

‘ग्राउन्ड ह्यान्डलिङ’का विषयमा मन्त्रालयबाट कुनै पनि छलफल र आधिकारिक निर्णय नगरिएको आइतबार जारी विज्ञप्तिमा उल्लेख छ । सरकारले निर्णय नगर्दासम्म ग्राउन्ड ह्यान्डलिङ निगमले नै गराउने मन्त्रायलले जनाएको छ ।

निगमको समग्र सुधारमा केन्द्रित भएर प्रतिफल र नतिजा दिने काम गर्न मन्त्री किरातीले ट्रेड युनियनहरूलाई आग्रह गरेका छन् ।

यसअघि, नेपाल नागरिक उड्डयन प्राधिकरणले त्रिभुवन अन्तर्राष्ट्रिय विमानस्थलको ग्राउन्ड ह्यान्डलिङ प्रतिस्पर्धाबाट दिने निर्णय गरेको थियो । त्यसलगत्तै ग्राउन्ड ह्यान्डलिङ निगमले पाउनुपर्ने माग राखेर त्यहाँका कर्मचारी विगत ११ दिनदेखि आन्दोलनमा उत्रिएका हुन् ।