site stats
बाह्रखरी :: Baahrakhari
खेल
Global Ime bankGlobal Ime bank
पाकिस्तान सुपर लिगको ड्राफ्टका लागि नेपालका ९ खेलाडीको नाम दर्ता

काठमाडौं । पाकिस्तान सुपर लिग (पीएसएल) को ड्राफ्टका लागि नेपालका ९ खेलाडीको नाम दर्ता भएको छ ।

डिसेम्बर १३ मा हुने अक्सनअघि पाकिस्तान क्रिकेट बोर्ड (पीसीबी)ले सार्वजनिक गरेको ड्राफ्टका लागि दर्ता भएको नामको सूचीमा नेपालका ९ खेलाडीको नाम छ । सूचीमा नेपालका एक खेलाडी गोल्ड क्याटागोरी र बाँकी आठ खेलाडी सिल्भर ग्याटागोरीमा छन् । 

गोल्ड क्याटागोरीमा नेपालका गुल्सन झा छन् । यस्तै, सिल्भर क्याटागोरीमा नेपालका विकेटकिपर आसिफ सेख, आरिफ सेख, अर्जुन साउद, देव खनाल, दीपेन्द्रसिंह ऐरी, कुशल भुर्तेल, कुशल मल्ल र सोमपाल कामी छन् ।

पीएसएलका अनुसार प्रतियोगिताको नवौँ संस्करण फेब्रुअरी १३ देखि मार्च १९ सम्म पाकिस्तानका विभिन्न सहरमा आयोजना हुने छ । प्रतियोगिताका लागि २२ देशका ४८५ खेलाडीले नाम दर्ता गराएको आयोजनले जनाएको छ । जसमध्ये ४६ खेलाडी प्लाटिनम क्याटागोरी र ७६ खेलाडी डायमन्ड क्याटागोरीमा छन् ।

प्रतियोगिताको प्लाटिनम क्याटागोरीको सूची भने सार्वजनिक भइसकेको छैन ।

प्रकाशित मिति: सोमबार, मंसिर २५, २०८०  २१:३९
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro