![रूसी सेनामा भर्ती हुन हिजोमात्रै दिल्ली हुँदै ५३ नेपाली गएको सूचना छ : प्रधानमन्त्री](https://12khari.top/uploads/posts/CM-Prachanda-1700916745.jpg)
काठमाडौं । प्रधानमन्त्री पुष्पकमल दाहाल प्रचण्डले रूसी सेनामा भर्ती हुनका लागि हिजोमात्रै नयाँ दिल्ली हुँदै दुई समूहमा नेपाली युवा गएको सूचना प्राप्त गरेको बताएका छन् ।
नेपालले स्वीकार्यो रुसी सेनामा नेपाली भर्ती भएको तथ्य, भन्यो– भर्ती नगर, भएकालाई तत्काल फर्काऊ
सिंहदरबारमा विभिन्न सञ्चारमाध्यमका सम्पादकहरूसँग कुरा गर्दै उनले यस्तो बताएका हुन् । “हिजोमात्रै दिल्लीबाट २६ र २७ जना गरी दुई समूहमा रुसी सेनामा भर्ती हुन गएको सूचना प्राप्त भएको छ,” उनले भनेका थिए ।
रुसी सेनामा गएका ६ नेपालीको निधन भएको पुष्टि (सूचीसहित)
यसरी अनधिकृत रुपमा नजानका लागि सरकारले अनुरोध गरिसकेको जानकारी गराउँदै रुसलाई पनि भर्ती नगर्न अनुरोध गरेको बताए । “आफ्नो ज्यान जोखिममा राखेर भर्ती हुन नजान सरकारले आग्रह पनि गरेको छ,” उनले भने ।