![राजसंस्थाका विषयमा जनमतसंग्रह गर्न दुर्गा प्रसाईंको चुनौती](https://12khari.top/uploads/posts/durga-prasain2-1701515724.png)
काठमाडौं । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक एवं मेडिकल व्यवसायी दुर्गा प्रसाईंले मुलुकमा स्थायी रूपमा शान्ति कायम गर्न राजतन्त्र आवश्यक रहेको तर्क गरेका छन् ।
शनिबार ललितपुरको लगनखेलमा आयोजित सभामा उनले गणतन्त्रका कारण मुलुकमा स्थायी शान्ति हुन नसकेको जिकिर गरे । स्थायी रूपमा शान्ति कायम गर्न राजतन्त्र आवश्यक रहेको उनको भनाइ छ ।
उनले कार्यकारी प्रधानमन्त्री, हिन्दुराष्ट्र, प्रदेश खारेज र राजसंस्थाका विषयमा जनमतसंग्रह गर्न चुनौती दिए ।
प्रसाईंले आफूलाई विभिन्न स्थानमा कार्यक्रम गर्न प्रतिबन्ध लगाइएको उल्लेख गरे । प्रतिबन्धको असर आफूलाई नभई लगाउनेलाई नै हुने उनले बताए । आफूहरूको आन्दोलन नागरिकको गाँस, बास र कपासका निम्ति भएको उनले जिकिर गरे ।
उनले देश र स्वास्थ्य क्षेत्रलाई समाप्त पार्न तोसिमा कार्कीले डा. गोविन्द केसीलाई प्रयोग गरेको आरोप लगाए । हिमालयन टेली भ्वाइस