काठमाडौं । नेपाली कथानक चलचित्र ‘चित्रा’को फर्स्टलुक पोस्टर सार्वजनिक भएको छ । निर्माण टिमले तीनवटा पोस्टर सार्वजनिक गरेको हो ।

सार्वजनिक तीन पोस्टरमध्ये पहिलाेमा डेब्यु अभिनेता सन्तोष अधिकारीसहित चलचित्रका मुख्य अभिनेताद्वय अर्पण थापा र प्रमोद अग्रहरिलाई ‘इन्टेन्स लुकमा’ देखाइएको छ । 

दोस्रो पोस्टरमा मुख्य तीन अभिनेत्री शुभेक्षा खड्का, मेनुका प्रधान र अन्जना बराईलीसँगै अभिनेता अर्पण, प्रमोद र सन्तोषलाई स्थान दिइएको छ । 

तेस्रो पोस्टरमा मुख्य अभिनेता सन्तोषले चलचित्रमा छोरी बनेकी बाल कलाकार आयुशीलाई पिठ्यूमा बोकेका छन् । साथमा अभिनेत्री सिम्रन खड्का मुस्कुराइरहेको देख्न सकिन्छ ।

घनश्याम लामिछानेको निर्देशन रहेको चलचित्रले बाबुछोरीको कथा प्रस्तुत गर्ने निर्माण पक्षले जनाएको छ । 

‘चित्रा’मा सन्तोष, मेनुका, शुभेच्छा, अर्पण, प्रमोद, प्रकाश, अन्जना, सिम्रनसँगै आयुसी ढकाल, विनोद पौडेल, कपिल शर्मा, कुमार गुरुङलगायत कलाकारको अभिनय छ ।