site stats
बाह्रखरी :: Baahrakhari
खेल
Global Ime bankGlobal Ime bank
नोर्बु छिरिङ शेर्पाले जिते लक्ष्मी सनराइज बैंकको गल्फ प्रतियोगिता

काठमाडौं । लक्ष्मी सनराइज बैंकको आमन्त्रित गल्फ प्रतियोगिताको आठौँ संस्करणको विजेता नोर्बु छिरिङ शेर्पा बनेका छन् । दुई ह्यान्डिक्यापसँग खेल्दै शेर्पाले ४१ स्टेबलफोर्ड अंकसहित शनिबार उपाधि जितेका हुन् ।

११ ह्यान्डिक्यापसँग खेलेका आशिष श्रेष्ठ ४० अंकसहित प्रतियोगिताका उपविजेता बनेका छन् । प्रतियोगितामा ताशी डोङले ३९ ग्रस अंकसहित उत्कृष्ट ग्रस अवार्ड जितेकी छन् ।

महिलातर्फ ३४ अंकसहित सुमित्रा खड्का विजेता बनेकी छन् भने ३३ अंकका साथ आरती राणा उपविजेता बनेकी छन् ।

golf1-1701001219.JPG

सेवानिवृत्त मेजर जनरल महेशविक्रम कार्की टेन्डी शेर्पासँग बराबरी भएपछि काउन्टब्याकमा ३४ अंकका साथ ६० वर्षभन्दा माथिका सिनियर विजेता बनेका छन् ।

यस्तै, सद्भाव आचार्यले सबैभन्दा लामो ‘ड्राइभ’ अवार्ड, ताहिर शाहले क्लजेस्ट टू दी पिन र वाङ्चेन धोन्डुपले चार बर्डी र एक इगलसहित ‘मोस्ट बर्डिज’ अवार्ड पाएका छन् ।

golf3-1701001219.JPG

लक्ष्मी सनराइज बैंकको ब्रान्ड कलरका पहिरन लगाएका विजयबहादुर श्रेष्ठले ‘मोस्ट एलिगेन्ट गल्फर अवार्ड’ पाएका छन् । लक्ष्मी सनराइज बैंकले प्रायोजन गरेको प्रतियोगितामा सात महिला गल्फरसहित ९६ गल्फ खेलाडीको सहभागिता रहेको थियो ।

प्रतियोगिताका विजेतालाई लक्ष्मी सनराइज बैंकका प्रमुख कार्यकारी अधिकृत अजयविक्रम शाह, गोकर्ण गल्फ क्लबका अध्यक्ष सुहृद घिमिरे र क्याप्टेन जोसेफ नाथनले पुरस्कार हस्तान्तरण गरेका थिए ।

प्रकाशित मिति: आइतबार, मंसिर १०, २०८०  १५:५२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro