काठमाडौं । इटालियन ट्रेड युनियनहरूले सरकारको बजेट योजनालाई लिएर हड्ताल गरेका छन् । हड्तालको समर्थनमा हजारौँ मानिस सडकमा उत्रिएका थिए ।

उनीहरूले राष्ट्रिय श्रम युनियनहरू, कामदारहरूको कल्याणलाई खतरामा पार्ने गरी बजेट नल्याउन चेतावनी दिए । प्रदर्शनमा करिब ६० हजार मानिस सामेल भएको बताइएको छ । प्रहरी रिपोर्टमा भने ५० हजार उल्लेख छ ।

हड्ताल सुरुमा दिनभर चल्ने भनिएको थियो । तर, उपप्रधानमन्त्री र पूर्वाधार तथा यातायातमन्त्री माटेओ साल्भिनीको आदेशपछि चार घण्टामा घटाइएको थियो । हड्तालको प्रभाव सीमित रहेको यातायात मन्त्रालयले जनाएको छ । सिन्ह्वा/न्युज एजेन्सी नेपाल