काठमाडौं । गत सोमबारदेखि उकालो यात्रामा रहेको सेयर बजार मापक नेप्से परिसूचक बुधबार पनि बढेर बन्द भएको छ । बुधबार नेप्से परिसूचक ५.१७ अंकले बढेको छ ।

नेप्से परिसूचक बढे पनि कारोबार रकम भने घटेको छ । नेपाल स्टक एक्सचेन्ज (नेप्से)का अनुसार आज नेप्से परिसूचक ०.२७ प्रतिशतले बढेर १८६३.९४ विन्दुमा बन्द भएको छ ।

आज ७८ करोड २७ लाख रुपैयाँको सेयर खरिद–बिक्री भएको छ । मंगलबार भने ९९ करोड ६५ लाख रुपैयाँको सेयर कारोबार भएको थियो ।

आज सर्वाधिक सेयर मूल्य वृद्धि ग्लोबल आईएमई लघुवित्त वित्तीय संस्थाको भएको छ । यस कम्पनीको सेयर मूल्य ८.०७ प्रतिशतले बढेर प्रतिकित्ता ८७० रुपैयाँ कायम भएको छ ।

सर्वाधिक सेयर मूल्य घट्नेमा कर्पाेरेट डेभलपमेन्ट बैंक लिमिटेड छ । यस कम्पनीको सेयर मूल्य ६.३८ प्रतिशतले घटेर प्रतिकित्ता ३०४ रुपैयाँ कायम भएको छ ।

आज सोनापुर मिनेरल्स एन्ड आयल लिमिटेडको भएको छ । यस कम्पनीको पाँच करोड ६१ लाख रुपैयाँको सेयर खरिद–बिक्री भएको छ । हिमालयन बैंकको प्रमोटर सेयर आज पाँच करोड २३ लाख रुपैयाँकमा कारोबार भएको छ ।

आज कारोबारमा आएका १३ समूहमध्ये चार समूहको परिसूचक घटेको छ । बाँकी समूहको परिसूचक वृद्धि भएको छ ।  

यसदिन २८८ धितोपत्रको ३१ लाख ५७ हजार ६२ कित्ता खरिद–बिक्री भएको छ ।